#انذار_الطاعه_ودعوى_النشوز .. يعنى ايه .. ؟؟

#انذار_الطاعه  … هو إنذار يوجهه الزوج إلى زوجته وذلك للدخول في طاعته ولها أن تعترض على هذا الإنذار فى خلال 30 يوم من تاريخ العلم الفعلى لها بهذا الإنذار والا اعتبرت ناشز خارجه عن طاعة زوجها ..

#دعوى_النشوز .. هى تلك الدعوى التى يقيمها الزوج ضد زوجته الخارجه عن طاعته وذلك بعد رفض الاعتراض أو الإعتراض علي الإنذار بعد الميعاد القانونى .. واذا أصبحت الزوجه ناشزه يسقط حقها فى نفقتها الزوجيه فقط من تاريخ إنذار الطاعه ولا يسقط اى حق من حقوقها فى نفقه العده والمتعه ومؤخر الصداق أو أى حق من حقوق الأطفال … ويكون حرمان الزوجه الناشز من نفقتها بصفه مؤقته حتى تدخل فى طاعة زوجها مره اخرى وتقلع عن نشوزها وهنا تحتسب نفقتها الزوجيه لها من جديد

#ملحوظه  …

١ – مافيش حاجه اسمها أن الست الناشز ماينفعش تتجوز لمدة خمس سنوات ده اختراع مصرى بحت

٢ – مافيش حاجه اسمها انه ياخدها بيت الطاعه بالعافيه ويجبلها حسيرة وزير والكلام ده .. ده بيكون فى الافلام بس

٣ – يحق للزوجه  الإعتراض على إنذار الطاعه اذا كان المسكن غير مناسب أو غير شرعى ويتم معاينة المسكن من قبل خبراء من محكمه الاسره … يعنى لازم تكون الأسباب حقيقيه ومقبوله مش اى كلام فى اى حاجه وخلاص

٤ – حضرتك ممكن تسلمى نفسك وتدخلى بيت الطاعه بمنتهى السهوله .. أما انك تعرضى نفسك قدام القاضى فى الإعتراض أو عن طريق إنذار على يد محضر الموضوع مش اختراع

٥ – لو اترفض الإعتراض على إنذار الطاعه النفقه بتقف من تاريخ إنذار الطاعه مش من تاريخ دعوى النشوز علشان تعبنا من الاختراعات