قاعدة تطهير الدفوع في الشيك والكمبيالة والاوراق التجارية

يعني ايه تطهير قبل ما نقول التعريف القانوني وقبل ما نشرح امتى بنستخدم قاعد تطهير الدفوع نوضح الاول فكرة تطهير الدفوع يعني ايه

لما بيتم عرض دعوى عليك بعد ما تعرف موضوعها بتبحث عن الدفوع الواجب ابداءها في النوع ده من الدعاوى

 تطهير الدفوع هنا يعني فيه دفوع يمكن ابداءها في الدعوى و تكون منتجة فيها بل احيانا هي دفوع جوهرية لكن استثناء من الاصل المشرع منع المدعي عليه من ابداء بعض الدفوع وبكده يكون طهر الدعوى من بعض الدفوع التي يمكن ابداءها

طيب نتكلم شوية في تطهير الدفوع في الشيك وباقي الاوراق التجارية

امتى بيتم تفعيل قاعدة تطهير الدفوع في الاوراق التجارية ؟

==========================================

بيتم تفعليها لما يتم تظهير الورقة التجارية الشيك الكمبيالة وغيرهم…

يعني ايه تظهير اصلا ؟

———————————-

التظهير يعني شخص يكتب شيك او كمبيالة لشخص اخر الشخص التاني يقوم يكتب في ظهر الشيك او الكمبيالة عبارة ” ادفعوا لأمر فلان ” او اي صيغة تفيد ان يسمح لغيره استيفاء المبلغ المكتوب في الشيك او الكمبيالة

مثال

احمد كتب شيك بمبلغ 1000 جنيه لحسين بعد كده حسين كتب على ظهر الشيك ادعوا لامر خالد

و تطهير الدفوع يطبق ازاي في المثال ده ؟

————————————————

نفترض ان حل ميعاد استحقاق الدين  وخالد عايز فلوسه بالتالي هيطالب احمد بالفلوس طيب نفترض هنا  ان احمد سدد الفلوس

لحسين او حسين كان حصل على توقيع احمد بغير رضاه سواء قام باكراه احمد بالتوقيع او استخدم غش او تدليس

الطبيعي احمد هيدفع بالوفاء بالمبلغ او هيدفع في مواجهة خالد  بانعدام ركن الرضا لحصول اكراه او غش او تدليس عليه

ده الوضع الطبيعي لكن المشرع في القانون التجاري منع احمد من ابداء الدفوع السابق ذكرها في مواجهة المظهر اليه اللي هو خالد

وده استثناء من الاصل

يعني كده الدفع التي يتم تطهيرها هي

1- الدفوع الناتجة عن عيب في الرضا مثل الاكراه , الغلط , فليس للساحب في هذه الحالة الاحتجاج في مواجهة الحامل حسن النية بهذه الدفوع ولكنه يستطيع ذلك في مواجهة المستفيد قبل التظهير .

2-الدفوع الناتجة عن انعدام السبب او عدم مشروعيته كان يكون سبب انشاء الورقة التجارية وفاء لدين قمار او رشوة , حيث لايلتزم الحامل بتقصي مدي مشروعية السبب اذا لم يكن

ظاهراغ في السند او اذا كتب علي متن السند سبب مشروع للورقة التجارية

3- الدفوع الناتجة عن بطلان او فسخ العلاقة الاساسية بين الساحب والمستفيد او بين المظهر والمظهر اليه .

4- الدفوع الناجمة عن انقضاء الالتزام الصرفي , وومثالها النموذجي قيام الميدن بالوفاء بقيمة الورقة التجارية الي دائنه المباشر دون ان يسترد السند , وقام هذا الدائن بتظهير السند الي حامل حسن النية

********************************************************888

طيب كده مفيش دفوع احمد يقدر يتسمك بها قصاد خالد؟

—————————————————————-

لا طبعا الدفوع السابق ذكرها هي فقط اللي يمتنع ابداؤها في مواجهة  احمد حامل (الورقة التجارية)  لكن هناك دفوع اخرى لا ينطبق عليها قاعدة تطهير الدفوع وهي

1- الدفع الناتج عن عيب ظاهر في السند كنقص احد البيانات الالزامية التي يفرضها القانون ,لاستطاعة الحامل من التحقق من هذا العيب .

2- الدفع الناتج عن الشروط الاختيارية الثابتة في السند مثل شرط عدم الضمان للقبول او شرط الرجوع بلامصاريف فهذه الشروط تكون مكتوبة في متن السيد وبامكان الالحامل تبينها .

3- الدفع الناتج عن تزوير التوقيع , فمن يتم تزوير توقيعه ليس طرفا في الالتزام لانعدام ارادته .

شروط تطبيق قاعدة تطهير الدفوع

===========================

عشان يتم تفعيل قاعدة تطهير الدفوع و تصبح الورقة التجارية محصنة ضد الدفوع السابق ذكرها لابد من توافر شروط

الشرط الاول :- ان يكون التظهير ناقل للملكية وليس تظهير تاميني او توكيلي .

يعني ايه تظهير ناقل للمكلية و يعني ايه تظهير تاميني او توكيلي ؟

————————————————————————

التظهير التام الناقل للملكية

واضح من اسمه بيتم فيه نقل مليكة الورقة التجارية للمظهر اليه ز المثال السابق كده لما حسين كتب على الظهر ادفعوا لامر خالد ، هنا حسين نقل ملكية الورقة لخالد

التظهير التوكيلي

وزي ما هو واضح من اسمه بيتم فيه توكيل شخص تحصيل قيمة الورقة التجارية طيب ازاي بيتم ده ؟

نرجع للمثال السابق نفترض ان حسين هنا هيسافر او مش فاضي او لاي سبب تاني عايز يوكل او يفوض شخص اخر اسمه محمود مثلا في تحصيل فلوسه

في الحالة دي بيكتب على ظهر الشيك ادفعوا لامر محمود القيمة للتحصيل او اي صيغة اخرى تفيد توكيل محمود في تحصيل الفلوس من احمد

*** طيب ايه الفرق هنا بين خالد ومحمود  ؟

خالد بيحصل المبلغ لحسابه لانه هنا مالك للورقة التجارية بمعنى تاني كان ليه فلوس عند حسين وهنا حسين دفع الفلوس في صورة الورقة التجارية وبالتالي خالد كان بيحصل فلوسه

اما محمود بيحصل الفلوس لحساب حسين وليس لحسابه الشخصي

التظهير التأميني

هو تامين دين او حق للمظهر اليه يعني ايه الكلام ده يعني حسين معاه كمبيالة بمبلغ كبير شوية وعايز يفتح اعتماد في بنك فبيقدم الكمبيالة كضمان او بيقدمها كرهن لدين لبنك مثلا وبيعمل كده غالبا لما بيكون مبلغ الكبيالة كبير عشان يستفيد من فوائد مبلغ الكمبيالة لو سدد مبلغ الرهن للبنك هيسترد الكمبيالة ويكون بكده استفاد من الفوائد وكمان اصل الدين

الشرط الثاني :- ان يكون الحامل حسن النية أي انه لم يقصد بقبول الورقة التجارية الاضرار بالمدين .

ويشترط لتحقق سوء النية قصد الاضرار بالمدين , أي ان الحامل قد قبل الورقة من المظهر لحرمان المدين (الساحب) او غيره من الدفوع التي كانت له تجاه المظهر مثل ان تكون قيمة الكمبيالة لم تسدد او ان الورقة اخذت من الساحب بالاكراه …الخ